Outros legados

AULA DE POESÍA DE POSGUERRA “JOSÉ GARCÍA NIETO”:

“García Nieto foi quizá, o meu mellor amigo no campo da literatura. Eramos moi diferentes de carácter, é posible que complementarios, e por iso estivemos tan unidos”: palabras de CJC á prensa o día da morte de José García Nieto.
A amizade que uniu a Camilo José Cela e José García Nieto iniciouse nos anos corenta, cando ambos frecuentaban o faladoiro literario do Café Gijón, e mantívose ao longo dos anos, tanto afectivamente como no ámbito profesional. O legado de José García Nieto que se conserva na Fundación inclúe obra editada, manuscritos, conferencias, artigos xornalísticos e diferentes premios e diplomas, incluíndo o premio Nacional de Literatura, concedido ao escritor oventense en 1951 —pola súa obra Tregua— e en 1957 —por Geografía es amor— e o premio Cervantes, que lle foi concedido en 1996.
Este legado é o segundo en importancia despois do legado do premio Nobel padronés, xa que nel se atopa, sen dúbida, unha das coleccións máis importantes de poesía española de posguerra con máis de 2000 monografías.

Camilo José Cela con José García Nieto.

A Fundación Pública Galega Camilo José Cela colabora habitualmente coa Fundación José García Nieto na convocatoria anual do Concurso Internacional de Micropoemas José García Nieto.

Para coñecer máis sobre o poeta ovetense consulta a web da súa Fundación:

imagen_linkFundación José García Nieto

Outros legados:

Ademais dos legados de Camilo José Cela e de José García Nieto, outros autores doaron á Fundación o seu legado para que sexa custodiado e conservado para a posteridade: o escritor padronés Nicasio Pajares —material doado pola súa filla María del Carmen Pajares Escolano—, o do escritor José María Sánchez-Silva (autor da famosa obra Marcelino, pan y vino); o do pintor granadino Eduardo Correa; o material que, sobre Dámaso Alonso, deixou na Fundación de Iria Flavia Fernando Huarte Morton (bibliógrafo de Cela), e outras doazóns que completan os fondos da Fundación e que compoñen un conxunto único no mundo.

imagen_linkHistórico de legados e doazóns

Subscríbete ao noso boletín

Manage existing