Epistolario

O epistolario, xunto coa biblioteca, é un dos conxuntos de maior valor documental. Está composto por máis de 95.000 cartas cruzadas entre o premio Nobel galego e case 13.000 personalidades distintas da vida política, social e cultural da segunda metade do século XX.

A súa principal singularidade radica en que se conservan tanto as cartas recibidas por Camilo José Cela como unha copia das que el enviaba xa que sempre mandaba mecanografar as cartas cunha copia calco detrás (copia que se conserva en Iria Flavia).

Misivas con outros escritores galardoados co Premio Nobel como Gabriel García Márquez ou Vicente Aleixandre, autores da Xeración do 98 como Azorín ou Baroja, autores da Xeración do 27 como Rafael Alberti, Gerardo Diego, Jorge Guillén e Dámaso Alonso por poñer un exemplo, epistolario con Américo Castro, Max Aub, Francisco Ayala, María Zambrano e, en definitiva, múltiples personalidades da época reunidos nunha magnífica colección imprescindible para a investigación da cultura española de posguerra.

Para consultar o epistolario dixitalizado podes consultar

imagen_linkCervantes Virtual/Epistolario.

Subscríbete ao noso boletín