Desde o pasado 1 de febreiro e ata o próximo 11 de abril poderá visitarse no Museo Camilo José Cela a exposición “ Kumano Kodo. Camino de peregrinación”, composta por máis de trinta fotografas do tristemente falecido Luís Ocaña.
O Camiño Kumano- Kodo é unha das peregrinacións máis importantes que teñen lugar en Xapón e que, xunto co Camiño de Santiago, compoñen os dous únicos camiños de peregrinación do mundo catalogados pola UNESCO, en 2004, como Bens Patrimonio da Humanidade. Ambos camiños están irmandados desde o verán de 1998.
Na cultura nipoa, Kumano é unha terra sacra á que se chega tras atravesar cadeas de escarpadas montañas como a de Kii e nas que, segundo a tradición, podíase atopar aos espíritos dos mortos.
A obra de Luís Alonso Ocaña, contou coa axuda do municipio de Tosukawa e da prefectura de Nara, onde o Camiño de Kumano conserva viva unha tradición milenaria.
Organiza: Turismo de Galicia
Colabora: Fundación Pública Galega Camilo José Cela